a play in a day 2019

Miersch, 22. November 2019

Den 22. November war den éischten "a play in a day" am Mierscher Kulturhaus.

Den "a play in a day" ass eng Offerte vu mimamu/makedra, an erméiglecht een Theater/Museks-Optrëtt innerhalb vun engem Dag.

D'Equipe mimamu/makedra huet mat 3 Klasse vum

C 4.1 aus der Mierscher Grondschoul e ganzen Dag geprouft a geschafft an zesumme mat de Kanner en Theaterstéck kreéiert.

Dëst Theaterstéck huet aus enger Rei Zeene bestan, déi vun de Kanner selwer ausgeduecht si ginn.

Owes um 19.00 war dunn e flotten Optrëtt virun de Kanner hiren Elteren, Enseignant(ë)en an intresséiertem Publikum.

45 Minutte laang hunn d'Kanner hir Theaterzeenen, musikalesch Intermezzoen a Lidder virgedroen, a goufen zum Schluss mat vill Applaus a Standing Ovation fir hire schéinen Optrëtt belount.

E grousse Merci alle Kanner, den Enseignant(ë)en an dem Mierscher Kulturhaus fir dëse schéinen Dag.

(Fotoen: Jeff Elcheroth)

» Fotoen