Offerten mimamu/ma(k)edra

a Play in a Day

Den a Play in a Day erméiglecht een Theater/Musek-Optrëtt, deen innerhalb vun engem Dag entwéckelt, geprouft a viru Publikum gewise gëtt.

mimamu/ma(k)edra bidden déi artistesch Elementer, déi noutwendeg si fir d’Kreatioun vun dësem Spektakel.

Zum Beispill: Musek, Lidder, dramatesch Sprooch, Kierpersprooch, Impro,…

Konkret besteet déi Offer aus:

enger artistescher Prise en Charge vun de Kanner vun 8h00 bis ongeféier 20h00.
méiglech Datumer fir a Play in a Day: 22. November, 31. Januar, 13. Mäerz, 22. Mee an den 19. Juni.
ee Spektakel, deen am fréien Owend fir Elteren, Famill a Frënn virgespillt gëtt.

Bass du motivéiert fir mat eis een Optrëtt an engem Dag ze erliewen? Da fënns du hei den Online-Formulaire fir dech unzemellen.
Mir freeën eis op eng flott Zesummenaarbecht.

D’Inscriptioun fir den “a play in a day” ass eriwwer.
Fir Hëllefstellung a Froen zum Thema Theater a Musek sti mir iech weiderhin iwwer „Kontakt“ gär zur Verfügung.

Record Day

De Record Day erméiglecht eng Opnam an engem professionellen Tounstudio.
mimamu/makedra encadréiert de Projet vu senger Kreatioun bis hin zum Record Day.
Zum Beispill: Lidd-Opnam, Text-Opnam, „Höhrspiel“-Opnam, …

Hëllefstellung a Begleedung

D’Hëllefstellung kann eng punktuell Offer sinn oder eng Begleedung iwwer een definéirten Zäitraum.
Jee no Demande kann dëst online sinn oder verbonne mat enger Visite an ärer Schoul; am Ufank, während oder um Schluss vun ärem Projet.

mimamu/makedra bidden eng praktesch Hëllef zu hire Materialen, wéi och Hëllef a Begleedung beim Ausschaffe vun ären eegenen Iddien.

Zum Beispill: Playbacks, Partitur, Liddertexter, Theaterstécker, Theaterzeenen, Impro,…
Hëllef beim Aussschaffe vun enger Kreatioun, déi op Theater an/oder Musek baséiert.
Dramatiséierung vun engem Lidd, Vertounung vun enger Geschicht, …